sábado, 6 de abril de 2013

Larragako fusilatuen oroimenezko monolitoa erasotua izan dela salatu dute

Larragako alkate Francisco Lamberto eta fusilatuen senideek agerraldia egin dute monolitoa erasotua izan dela salatzeko. Margoketak egin dituztela eta ikurriña eta bandera errepublikarra eraman dituztela azaldu dute.

naiz.info * E.H
Larragako alkatea eta senideak monolitoaren aurrean. (vía twitter Martxelo Diaz)
Joan den asteburuan Larragako fusilatuen oroimenezko monolitoa erasotua izan zela ezagutzera emateko agerraldia egin dute gaur goizean. Larragako alkate Francisco Lamberto eta fusilatuen senideek azaldu dutenez larunbatean margoketak egin zituzten monolitoan eta igandean ikurriña eta bandera errepublikarra eraman zituzten.
Azaldu dutenez, «El Chato» margotu dute monolitoan Nafarroa aldean hainbat fusilamendu egin zituen gizonezkoari erreferentzia eginez. Senideentzat oso mingarria izan dela esan dute.